Одделот за внатрешна контрола, криминалистички истраги и професионални стандарди при Министерството за внатрешни работи до надлежното Основно јавно обвинителство Охрид, поднесе кривична пријава против С.М. поради постоење основи на сомнение за сторено кривично дело „злоупотреба на службена положба и овластувања“ по член 353 од Кривичниот законик.
Пријавениот, управник на одморалиште на МВР во Охрид, во периодот од 02.02.2025 до 05.02.2025 и од 21.05.2025 до 26.05.2025 евидентирал дека вработената Ј.И. – готвач во одморалиштето доаѓала на работа и извршувала работни активности, иако таа била надвор од границите на државата.
Пријавениот, исто така, во периодот од 28.05.2025 до 30.11.2025 евидентирал дека вработената Ј.И. користи боледување, иако од матичен лекар не ѝ биле издадени обрасци за привремена спреченост од работа. Со наведените дејствија, пријавениот овозможил Ј.И. да се стекне со противправна имотна корист во висина од 253.834 денари, износ за кој е оштетен буџетот на Министерството за внатрешни работи.
Одделот за внатрешна контрола против двајцата поднесе предлог за поведување на постапка за утврдување на одговорност за кршење на работниот ред и дисциплина, додека против С.М. изрече задолжителна мерка отстранување од работното место до завршување на дисциплинската постапка, а против J.И. изрече задолжителна мерка за поведување на постапка за надомест на настанатата штета.
- Претседателката: Оставете нѐ да се европеизираме
- Божиновска: Македонија и Турција ја продлабочуваат соработката во енергетиката и инвестициите
- Руски функционер тврди: „Вонземјаните работат на оставката на Кир Стармер“
- Хаос во Пефкохори: Забрането капење во морето поради излевање на канализација
- Викенд уживање: Сонце и температури до 32 степени
- Нетанјаху со порака до Трамп: Додека сум премиер, Иран нема да има нуклеарно оружје
- Ѓорѓиевски на средба со скопските градоначалници: Ги утврдивме приоритетите
- Средба на Сиљановска-Давкова со Здружението на воени ветерани и воени инвалиди „Братство 2001“
