Страшен потрес со јачина од дури 7,6 степени според Рихтеровата скала утрово е регистриран на дното на Тихиот Океан, во непосредна близина на архипелагот Тонга. Според првичните податоци од Американскиот институт за геофизика (USGS), епицентарот на овој моќен земјотрес бил на длабочина од 238 километри под морското дно.
Иако длабочината на потресот вообичаено го намалува ризикот од катастрофално цунами, силниот интензитет предизвика паника кај населението на околните острови.
„Се работи за исклучително силен потрес. Локалните власти го следат движењето на морето, иако засега нема официјално предупредување за голем бран. Жителите се повикани на претпазливост“, пренесуваат светските агенции.