Најстудено утрово било на Попова Шапка, каде била измерена температура од -4 степени Целзиусови, а во Берово -1 степен. Најтопло било во Скопје и Велес, каде во 7 часот се измерени 6 степени.
Во Маврови Анови температурата изнесувала 0 степени, во Охрид, Тетово и Претор 2 степени, во Крива Паланка и Штип 3 степени, а во Битола, Прилеп, Куманово, Кавадарци и Демир Капија 4 степени. Во Струмица, Гевгелија и Виница измерени се 5 степени Целзиусови.
Висината на снежната покривка на Попова Шапка во 7 часот изнесувала 58 сантиметри.
Денес времето ќе биде променливо облачно со повремен локален дожд. Ќе дува слаб до умерен, а на места повремено засилен ветер од северен правец. Максималната температура ќе се движи од 9 до 15 степени.
Во Скопје се очекува променливо облачно време со слаб до умерен ветер од северен правец. Во делови од котлината ќе има услови за повремен слаб дожд, а максималната температура ќе достигне до 15 степени.