Земјотрес со јачина од 7,2 степени според Рихтеровата скала денеска ја погоди Колумбија, соопшти Европско-медитеранскиот сеизмолошки центар (EMSC).
Според Националната единица за управување со ризици од катастрофи на Колумбија (UNGRD), потресот бил на длабочина од 79 километри, со епицентар во близина на Сан Хозе дел Палмар.
Од UNGRD преку социјалните мрежи информираа дека институцијата е во постојана комуникација со локалните власти за потврда и проценка на евентуалната штета.
Гувернерката на покраината Чоко, Нубија Каролина Кордоба-Кури, изјави дека се пријавени голем број повредени лица, а забележани се и сериозни оштетувања на објектите.
Земјотресот предизвика масовни евакуации на населението од зградите и објектите, а силно бил почувствуван и во главниот град Богота, како и во околните области.
Надлежните служби се на терен и веќе ги започнаа активностите за проценка на штетите.