Без струја денеска ќе останат неколку скопски општини. Од ЕВН Македонија АД информираат дека денеска, поради планирани зафати на електродистрибутивната мрежа, дел од корисниците во неколку скопски општини ќе останат без електрична енергија и тоа, во општина Сопиште, прекин во снабдувањето ќе има од 08:30 до 15:00 часот за дел од корисниците на улица 8 во селото Горно Соње, на локалитетот Коштан. Дополнително, од 09:00 до 12:00 часот без струја ќе бидат и дел од корисниците на улица 4 во Сопиште, кај локалитетот Ветрила.
Во општина Бутел, прекин е најавен од 09:00 до 11:00 часот за корисници на дел од булеварот „Македонско-косовска бригада“, во близина на Сервис Бутел.
Во општина Аеродром, од 09:00 до 14:00 часот без електрична енергија ќе останат корисниците на улицата „Тодор Чангов“ – крак 21.
Во истиот временски период, од 09:00 до 14:00 часот, прекин ќе има и за дел од корисниците на улиците „Хашка“, „Будимпештанска“ и „Душко Бојковски“ во општина Карпош.
Во општина Ѓорче Петров, од 09:30 до 14:30 часот без струја ќе бидат корисниците на улиците „Александар Македонски“, „Борис Сарафов“ и „Смилевска“, како и објектот на месната заедница, бензинската пумпа и дел од корисниците на улицата „Црногорска“.
Дополнително, од 12:00 до 14:00 часот прекин во снабдувањето ќе има и за корисниците на улица 95 и околните улици во селото Волково, општина Ѓорче Петров.