Најмалку 21 аеродром низ Европа беа цел на речиси истовремени лажни закани со бомби, кои предизвикаа пренасочување на патнички авиони и вонредни безбедносни проверки, додека во Италија беа активирани и воени ловци.
Иако сите извештаи по прегледите се оценети како лажни, истражителите од европските безбедносни служби проверуваат дали станува збор за координирана акција насочена кон дестабилизација на воздушниот сообраќај.
Италијанските власти подигнаа борбени авиони за да следат еден од загрозените патнички летови. Истовремено, Аеродромот Хитроу во Лондон беше еден од ретките каде што заканата не предизвикала дополнителни итни безбедносни протоколи.
По посебно внимание привлече електронска порака испратена до властите на аеродромот во Рим, под потпис на „Борци на машката држава“ – неформална група поврзана со забранетата руска организација „Машка легија“. Истражителите сеуште го утврдуваат идентитетот на испраќачот и автентичноста на пораката.
Засега нема конкретни докази што би ги поврзале заканите со одредена држава или организација, но истрагите на надлежните служби остануваат во тек.