Суд во Истанбул одреди притвор за поранешната министерка за семејство и социјална политика и висока функционерка на владејачката АК партија, Фатма Бетуел Сајан Каја. Одлуката е донесена во рамките на истрагата за финансиската криза што ги погоди инвестициските фондови во земјата.
Каја ја напушти партијата откако во септември поднесе оставка од функцијата потпретседател, откако беше обвинета од опозициски политичар за остварување висок профит од акции пред масовната распродажба на берзата. Според агенцијата Анадолија, таа се товари за „кршење на законот за пазар на капитал“ и „членство во организација формирана со цел вршење кривични дела“.
Истрагата ја спроведе одделот за истражување перење пари при главното обвинителство во Истанбул, кое тврди дека Каја поседувала повластени информации и била во контакт со поранешниот директор Емре Тезмен. Нејзиниот сопруг, Илјас Каја, е пуштен на слобода со изречени мерки на претпазливост и забрана за напуштање на земјата.
Според опозициските обвинувања од септември, брачната двојка заработила околу 2,17 милијарди лири преку продажба на акции во бродоградилиштето „Озата Денизчилик“, чија цена пораснала од 220 на 4.980 лири пред кризата на ликвидноста на берзата на 16 септември.