Денеска се празнува Света Агрипина, родена и израсната во Рим, која го посветила цел живот на Бога.
Како вистинска христијанка, таа во времето на прогоните за владеењето на императорот Валеријан (253–260) претрпела тешки измачувања и на крајот го завршила својот живот како маченица, останувајќи верна на Христос.
По нејзиното упокојување, три побожни жени – Васа, Павла и Агатоникија – го подигнале нејзиното свето тело и го пренеле на Сицилија. Таму, преку нејзините мошти, се случувале многубројни чуда и исцелувања на сите кои со вера ѝ се обраќале на Света Агрипина, барајќи застапништво пред Христос – небесниот младоженец.
Според народното предание, на овој ден жените се советуваат да се воздржат од домашни работи, а денот да го посветат на молитва, особено за здравје, духовна сила и заштита на семејството.
Молитвата кон Света Агрипина на овој ден е особено силна и носи благослов, посебно за жените.