Министерството за финансии и Државниот завод за ревизија денеска ќе потпишат Меморандум за соработка.
Документот ќе биде потпишан во просториите на Министерството за финансии од страна на министерката за финансии Гордана Димитриеска-Кочоска и главниот државен ревизор Максим Ацевски.
Со Меморандумот се предвидува продлабочување на соработката меѓу двете институции, како и унапредување на областите од заеднички интерес. Во фокусот ќе бидат и зајакнувањето на институционалните врски, како и размената на искуства, знаења и податоци.