Серија телефонски разговори со странски државници, наместо протоколарни прослави. Рускиот претседател Владимир Путин денеска го слави својот 74. Роденден. Кремљ соопшти дека Путин добил низа честитки.
Меѓу оние кои му упатиле честитка е и кинескиот претседател Си Џинпинг. Роденденот на Путин го одбележал и портпаролот на Кремљ, Дмитриј Песков, кој изјавил дека за шефот на руската држава овој ден ретко претставува целосен празник.
Честитка пристигнала и од белорускиот председател Александар Лукашенко. Тој изразил благодарност за посветеноста на Путин кон зајакнувањето на односите меѓу Москва и Минск.
Лукашенко во честитката оценил дека интензивниот политички дијалог, трговско-економската соработка и реализацијата на заедничките проекти ја потврдуваат определбата на двете земји за изградба на федерална држава.
На Путин му честитал и севернокорејскиот лидер Ким Џонг Ун. Во телеграмата тој истакнал дека Русија под раководство на Путин ја покажала својата позиција како „просперитетна земја“.
Путин е роден на 7 октомври 1952 година во Ленинград, денешен Санкт Петербург.