Претседателот на Русија, Владимир Путин денеска изјави оти се надева дека планот на американскиот претседател Доналд за завршување на војната во Појасот Газа ќе биде успешно спроведен и оти Москва е подготвена да ги поддржи напорите за крај на крвопролевањето.
– Искрено се надевам дека овие иницијативи на американскиот претседател навистина ќе се остварат во пракса, наведе Путин на Самитот во Таџикистан.
Примирјето и ослободувањето на заложниците беа договорени како дел од првата фаза од планот на Трамп за прекин на војната во Појасот Газа.
Египетската државна телевизија Кахера објави дека примирјето официјално стапило во сила околу пладне по локално време, откако завојуваните страни го потпишале договорот во египетското одморалиште Шарм ел Шеик.
Според првата фаза од договорот, борбите ќе престанат, Израел делумно ќе се повлече од Газа, а Хамас ќе ги ослободи заложниците што ги зароби во нападот што ја предизвика војната, во замена за затвореници што ги држи Израел.