Управата за јавни приходи ја отпочна исплатата на средствата од повратот на ДДВ за првиот квартал од годинава, односно за периодот јануари – март 2026 година.
Исплатата, како што информираат од самата институција, нема да се изврши одеднаш за сите, туку ќе се спроведува етапно.
„Исплатата, информираат од институцијата, се спроведува етапно, согласно динамиката на обработка на налозите и административните проверки“.
Со овој бран на исплата ќе бидат опфатени повеќе од половина милион корисници на популарната апликација, односно точно 528.447 граѓани.
Вкупната сума што државата преку УЈП ќе им ја врати на граѓаните во овој тримесечен циклус изнесува 836 милиони денари.
Даночната управа апелира до сите корисници во наредниот период редовно да ги проверуваат своите банкарски извештаи, но и податоците во апликацијата за да се осигураат дека трансакцијата поминала успешно.