Претседателката Гордана Сиљановска-Давкова денеска ќе присуствува на свеченото отворање на 20. Медитерански игри, кои се одржуваат во италијанскиот град Таранто.
Во рамки на посетата, Сиљановска-Давкова ќе го посети Медитеранското (олимписко) село, каде ќе се сретне со македонските спортисти. Попладнево ќе присуствува и на приемот што го приредува претседателот на Италија, Серџо Матарела, во чест на шефовите на делегациите.
За македонските спортисти ова е четврто учество на Медитеранските игри од осамостојувањето на државата.
Годинава македонската делегација ја сочинуваат 90 спортисти, кои ќе се натпреваруваат во повеќе дисциплини, во индивидуални и екипни спортови.