Во изминатите денови на подрачјето на Скопје се пријавени неколку случаи на семејно насилство, информираат од полицијата.
На 2 април 2026 година, во Полициската станица Кисела Вода бил извршен службен разговор со 47-годишен скопјанец И.С., по пријава дека претходниот ден околу 18:00 часот во семејниот дом физички го нападнал својот малолетен син. По целосно документирање на случајот ќе следува соодветна пријава.
Претходно, на 1 април, во СВР Скопје 30-годишна жена пријавила дека околу 17:30 часот во домот на подрачјето на Карпош била физички нападната од нејзиниот сопруг Ж.Ј.(35), кој притоа употребил и тврд предмет.
Истиот ден, во 20:30 часот, 45-годишна жена исто така пријавила дека во дом на подрачјето на Карпош била физички нападната од нејзиниот вонбрачен партнер Б.А.(51), кој, според пријавата, користел тврд предмет.
На 01.04.2026 околу 01:30 часот во скопско, полициски службеници од СВР Скопје го приведоа К.А.(27) затоа што агресивно се однесувал кон неговата 37-годишна сестра и ѝ упатувал закани. Истиот ден, околу 13:30 часот таа пријави дека на 31.03.2026 околу 22:30 часот била и физички нападната од нејзиниот брат, кој ѝ го оштетил и возилото.
Од полицијата информираат дека се преземаат мерки за целосно расчистување на сите случаи.