ОВР Кочани поднесе кривична пријава против Ј.М.(24) и А.М.(21), двајцата од Кочани поради постоење основи на сомнение за сторено кривично дело „насилство“.
Како што се наведува во полицискиот билтен, на 13.11.2025 кај место викано „Вила вон град“ во Кочани, пријавените со тврди и метални предмети го нападнале Џ.С.(30) од Крива Паланка, при што му го оштетиле неговото патничко возило.
Исто така, ОВР Кочани поднесе кривична пријава и против Џ.С.(30) од Крива Паланка поради постоење основи на сомнение за сторено кривично дело „противправно лишување од слобода“.
Истиот ден на место викано „Вила вон град“, пријавениот со употреба на сила го ставил А.М.(21) од Кочани во патничко возило, го држел, а други лица кои седеле на задното седиште физички го нападнале, по што го извадиле од возилото и заминале.