Претседателот на Владата на Република Северна Македонија, Христијан Мицкоски, утре (26 август) ќе присуствува и ќе има свое обраќање на свеченото поставување на камен-темелник за изградба на автопатот Скопје-Блаце.
Настанот е закажан за 11:00 часот, соопштија од владината прес-служба.
Со ова официјално се означува почетокот на новата фаза од градежните работи на оваа клучна патна делница која го поврзува главниот град со граничниот премин кон Косово.