Жителите и корисниците на неколку улици во Општина Центар денеска ќе имаат прекин во снабдувањето со вода, почнувајќи од 8 часот.
Прекинот ги опфаќа улиците „Рајко Жинзифов“, „Владимир Полежиновски“, „Стефан Јакимов-Дедов“ и „Борка Талевски“.
Од Регионалниот центар за управување со кризи – Скопје информираат дека причината е дефект на водоводната мрежа. Интервенцијата се врши поради оштетување на водоводна цевка со пречник од 80 милиметри на улицата „Рајко Жинзифов“ број 32.
Водоснабдувањето ќе биде прекинато до целосно отстранување на дефектот и нормализирање на состојбата на мрежата.