Здружението за меѓународна младинска соработка „Интерактив“ од Битола денеска во Кичево организира тркалезна маса на тема „Локални мерки за хуман третман на бездомните животни во Кичево: предизвици и следни чекори“.
На настанот ќе бидат презентирани резултатите од граѓанскиот мониторинг на реализацијата на изборното ветување за изработка на проект и изградба на стационар за бездомни кучиња.
На тркалезната маса ќе се обратат претставници на Општина Кичево и граѓанскиот сектор, по што е предвидена отворена дискусија за актуелните предизвици, институционалната соработка, потребите на локалната заедница и можните решенија.
Настанот е дел од швајцарскиот проект „Програма за поддршка на изборите“, кој го спроведува Меѓународната фондација за изборни системи (ИФЕС).