УХМР ги измери температурите во осум часот утрово во градовите низ Македонија. Според податоците, најстудено е на Попова Шапка со 10 степени. Најтопло е во Велес, Кавадарци и Гевгелија со 19 степени утринава.
Во Скопје во осум часот УХМР измери 17 степени.
Денеска нè очекува претежно сончево време, со мала до умерена облачност. Локално е можна појава на слаб краткотраен дожд. Ќе дува слаб до умерен ветер од југоисточен правец. Утринските температури ќе се движат од 6 до 14 степени, додека дневните ќе достигнат од 22 до 29 степени.
Во Скопје ќе преовладува сончево време со мала до умерена облачност. Ќе дува слаб до умерен ветер од јужен правец. Температурата наутро ќе се спушти до 13 степени, а во текот на денот ќе достигне до 23 степени.
Во наредниот период се очекува променливо облачно време со повремени сончеви периоди. Во попладневните часови, на места ќе има услови за појава на краткотраен дожд.