Променливо облачно време со сончеви периоди и локална нестабилност со пороен дожд, грмежи и засилен ветер нè очекува во текот на денешниот ден.
Според синоптичарите, температурите ќе останат релативно пријатни. Минималната температура ќе биде во интервал од 6 до 12, а максималната од 20 до 26 степени.
Во Скопје и околината ќе преовладува слично време, со услови за краткотрајни врнежи.
„Во Скопје ќе преовладува променливо облачно време со сончеви периоди, а во делови од котлината ќе има услови за краткотраен пороен дожд и грмежи. Ќе дува слаб до умерен променлив ветер“, велат од УХМР.
Во главниот град минималната температура ќе се спушти до 8, а максималната ќе достигне до 24 степени.
Следува период на променливо облачно време со сончеви периоди во текот на денот. Локално ќе има развој на нестабилна облачност со пороен дожд, грмежи и засилен ветер. Во сабота се очекуваат поинтензивни процеси во форма на невреме со пообилен пороен дожд (над 20 l/m2), грмежи, засилен до силен ветер (над 70 кm/h) и услови за појава на град. Во недела ќе дува умерен до засилен ветер од северен правец.