Започна нова страница во извршувањето на санкциите, откако за првпат беше спроведена пресуда за куќен затвор со употреба на опрема за електронски надзор.
Овластени службеници од Секторот за пробација во Чашка, Велешко, на осудено лице му поставија алка на глуждот, со која ќе се следи неговото движење
Според условите на пресудата, осуденикот нема да смее да го напушта својот дом во наредните три месеци. Единствен исклучок е правото на престој на свеж воздух, кое е ограничено на најмногу два часа дневно. Од надлежните служби појаснуваат дека системот функционира преку постојан мониторинг.
„Во случај на непочитување на упатствата за користење на опремата за електронски надзор и ограничувањата дадени од судот, пробациските службеници ќе го известат судот, согласно одредбите од Законот за пробација“, се вели во соопштението.
Примената на оваа алтернативна мерка се смета за поекономична за државата во споредба со затворското издржување на казната. Во конкретниот случај, имајќи ја предвид возраста на сторителот, таа воедно претставува и похуман начин на извршување на санкцијата.
Актуелно
- Неверојатна измама во Неготино: Mу оставил заклучена чанта со катанец, а му зел 4.000 евра
- Падна Италијанец на Табановце: Се обидел да внесе цел арсенал оружје во Македонија
- Спречен масакр во Македонија: Млад терорист од Мала Речица планирал напад како во американските училишта
- Муцунски со полна агенда: Нови можности за соработка со Шведска, Португалија и Казахстан
- АМСМ со важна информација: Сообраќајот на патот Виница – Берово е во целосен прекин
- Исплива вистината на виделина: Поранешната директорка на битолската болница „пумпала“ плати без огласи, буџетот оштетен за речиси 50.000 евра
- Божиновска во Прилеп најави засилен инспекциски надзор и уште поблиска соработка со општината
- Калас: В понеделник го усвојуваме новиот пакет санкции против Русија
