Поранешниот командант на Главниот штаб на Армијата на Република Српска, Ратко Младиќ, почина во Хаг, објави српскиот портал „Информер“, а веста за неговата смрт ја потврдило и неговото семејство.
Младиќ е роден на 12 март 1942 година во селото Божиновиќи во близина на Калиновик. Дипломирал на Воената академија на Југословенската народна армија (ЈНА) и на Академијата за команда и контрола како еден од најдобрите во својата класа.
Својата професионална кариера ја започна во Скопје во 1965 година, а за време на службата во ЈНА се искачи до чин генерал-потполковник во 1992 година. Во летото 1991 година стана командант на Деветтиот корпус на ЈНА во Книн, каде што учествуваше во воените конфликти во Хрватска.
По формирањето на Армијата на Република Српска, во мај 1992 година беше назначен за командант на нејзиниот Главен штаб, функција која ја вршеше до 1996 година, командувајќи со воените операции на српските сили за време на војната во Босна и Херцеговина.
Меѓународниот кривичен трибунал за поранешна Југославија (МКТЈ) го издаде своето прво обвинение против него во јули 1995 година.