На 66-годишна возраст почина Нури Бајрами, познат правник, долгогодишен новинар и поранешен заменик-претседател на Државната комисија за спречување на корупцијата (ДКСК).
Заканата од тешката корупција со години ја менаџираше токму тој, служејќи како еден од клучните столбови на ДКСК во мандатот од 2019 до февруари 2024 година, каде покажа исклучителна професионалност во борбата за правна држава.
Неговата богата кариера е проследена со низа професионални успеси, меѓу кои и речиси една деценија помината во медиумите како главен уредник на ТВ2, но и значајни позиции во Генералниот секретаријат на Владата и Министерството за правда.
Тажната вест во јавноста беше соопштена од неговото најблиско семејство, а колегите и јавноста се збогуваат со човекот кој целиот свој работен век го посвети на транспарентноста и правичната застапеност во институциите.