Во Собранието на Република Северна Македонија денеска ќе се одржи работна сесија на Советот на амбасадори.
Сесијата, која е предвидено да започне во 10 часот, ќе ја отвори претседателот на Собранието, Африм Гаши.
Советот на амбасадори се состана вчера, а ова е прва средба од ваков формат по 2019 година. Како што најави министерот за надворешни работи и надворешна трговија, Тимчо Муцунски, целта е да се утврдат идните задачи и приоритети на дипломатската мрежа.
На состанокот се разговара за три стратешки национални интереси – заштитата на македонските национални интереси, јакнењето на потенцијалот на дипломатско-конзуларните претставништва во делот на економската дипломатија и заштитата на граѓаните кои живеат надвор од границите на државата.
Амбасадорите и генералните конзули треба директно да се запознаат со приоритетите за следната година и да добијат насоки за постапување во однос на клучните стратешки национални интереси.