Основниот суд во Кавадарци им одреди притвор од 30 дена на две лица од демиркапиското село Корешница, кои се осомничени за филмско грабнување на жител на Неготино. Одлуката е донесена по предлог на Обвинителството поради опасност од бегство и тежината на делото.
Настанот се случил на 12 април, кога 37-годишниот првоосомничен и неговиот 30-годишен соучесник насилно го внеле оштетениот во автомобил директно од неговиот двор. Притоа, помладиот напаѓач користел и пиштол за да му се закани на жртвата.
Мотивот за грабнувањето бил морбиден обид за изнуда на признание. Осомничените сакале да го присилат оштетениот да сними изјава дека наводно ја силувал сопругата на првоосомничениот. За ова дело е предвидена затворска казна од најмалку четири години.