Двајца жители на охридското село Пештани се приведени рано утрово откако физички нападнале полициски службеници кои вршеле службени дејствија.
Инцидентот се случил на регионалниот пат Охрид – Св. Наум, во близина на населбата „Св. Стефан“, кога лицата прво започнале вербално да ги навредуваат полицајците, а потоа и физички ги нападнале.
Утврдено е дека напаѓачите биле под дејство на алкохол. Кај 52-годишниот Г.М. се измерени 1,63 промили, додека кај 65-годишниот Р.М. алкотестот покажал 0,53 промили. Против двајцата ќе бидат поднесени соодветни пријави.
„На 29.11.2025 година во 01:10 часот, во СВР Охрид приведени се Г.М.(52) и Р.М.(65), двајцата од охридското село Пештани. Тие претходно, на регионален пат Охрид – Св. Наум, кај охридската населба „Св. Стефан“, вербално навредувале а потоа и физички нападнале полициски службеници кои преземале службени дејствија. При извршено алкотестирање, кај Г.М. е утврдено 1,63 додека кај Р.М. 0,53 промили присуство на алкохол во крвта. По целосно документирање на настанот, против нив ќе бидат поднесени соодветни пријави.“, велат од СВР Охрид.