Сообраќајна контрола во 2 часот по полноќ на улицата „Благој Ѓорев“ открила возач со 1,62 промили алкохол во крвта. Но, приведувањето на велешанецот не поминало мирно – ситуацијата ескалирала откако тој бил однесен во полициските простории.
Откако бил лишен од слобода поради управување на возило „Рено“ под дејство на алкохол, 49-годишниот М.Н. физички нападнал еден од полициските службеници во станицата.
Велешанецот сега заработи две кривични пријави. Освен за пијанството зад воланот, тој ќе одговара и за напад врз службено лице, согласно членовите 297-а и 383 од Кривичниот законик.
„Полициски службеници од СВР Велес ноќеска во 02.10 часот го лишиле од слобода 49-годишниот М.Н. од Велес откако при контрола на ул. „Благој Ѓорев“ утврдиле дека вози со 1,62 промили алкохол во крвта. Откако бил приведен нападнал полициски службеник. (…) Известен бил јавен обвинител и по документирање на настаните, против него ќе бидат поднесени пријави по член 297-а и 383 од Кривичниот законик за „безобѕирно управување со моторно возило“ и „напад врз службено лице при вршење работи на безбедноста“, велат од полицијата.