Пратеникот на ВМРО-ДПМНЕ, Бране Петрушевски, денеска упати обвинувања до поранешното раководство на СДСМ, тврдејќи дека подзаконските акти за производство на медицински канабис биле намерно донесени во колизија со законот. Според него, целта на ваквиот спорен Правилник била да се овозможи неконтролирано производство кое не ги исполнува меѓународните ГМП норми.
Петрушевски нагласи дека лиценците биле резервирани исклучиво за лица блиски до Зоран Заев и Венко Филипче.
„Дека ова било планирано, се гледа во Правилникот донесен во времето на СДС, кој дозволува производство на цвет од канабис што не задоволува ГМП норми. Логично е дека маслото произведено од ваков цвет не може да биде лиценцирано, а најмалку да се најде во промет,“ истакна Петрушевски.
Од партијата прашуваат дали крајната цел на ваквата регулатива била продажба на канабис на црниот пазар и побараа од Јавното обвинителство итно да го истражи овој случај до крај.