Седумдесет и петгодишен кумановец бил приведен по физичка пресметка со 76-годишен сограѓанин, кој во инцидентот се здобил со тешки телесни повреди.
Според информациите од МВР, инцидентот се случил околу 21 часот, по претходна вербална расправија меѓу Ц.К. (75) и Б.П. (76), двајцата од Куманово.
Неколку часа подоцна, во 22:45 часот, полициски службеници од СВР Куманово го лишиле од слобода 75-годишниот Ц.К.
Повредениот 76-годишен маж бил пренесен на лекарски преглед, каде му биле констатирани тешки телесни повреди.
Полицијата работи на целосно расчистување на случајот, по што против осомничениот ќе биде поднесена соодветна пријава.