Пензионерите од цела држава во понеделник, 1 декември, ќе излезат на масовен протест пред Уставниот суд во Скопје за да го одбранат моделот на линеарно пресметување на пензиите.
Ова беше договорено на денешниот собир во Штип, каде присуствуваа претставници од повеќе градови, вклучувајќи ги Свети Николе, Скопје и Куманово. Тие испратија јасна порака дека нема да отстапат од своите права.
„Во понеделник во 11 часот пред Уставен Суд во Скопје ќе протестираме, од цела Македонија“, изјави пензионерот Зоран Трајков.
Доколку овој собир не вроди со плод, најавена е радикализација на активностите. Трајче Станојков од Свети Николе најави дека веќе на 10 декември ќе продолжат со протести, проширувајќи ги барањата и за исплата на К-15, зголемување на посмртнината и воведување на пензионерска картичка.
Пензионерите досега добија линеарно покачување од 2.500 денари (вкупно 5.000 со претходното), а во март наредната година очекуваат уште едно линеарно усогласување.