УХМР ги измери температурите во 11 часот низ Македонија. Ова претпладне најтопло е во Гевгелија со 34 степени, по што следат Демир Капија со 33, Кавадарци, Велес и Струмица со 32 степени.
Со 20 степени, најниска температура е измерена на Попова Шапка.
Денеска времето ќе биде сончево и многу топло, со мала до умерена облачност. Ќе дува слаб до умерен ветер од западен и северозападен правец. Во попладневните часови се очекува локална нестабилност проследена со пороен дожд, грмежи, засилен ветер, а на поедини места се можни услови за невреме со појава на град.