Паника во Сараево: Евакуиран аеродромот поради дојава за бомба

 


Поради анонимна дојава дека на Меѓународниот аеродром во Сараево била поставена експлозивна направа, патниците биле евакуирани, пренесува Кликс. Во тек е увид на пиротехничарите кој ќе трае неколку часа.

„По добиената анонимна дојава за наводно поставување експлозивни направи во просториите на меѓународниот аеродром во Сараево, надлежните служби веднаш ги презедоа сите неопходни мерки согласно важечките безбедносни протоколи. Се врши детален интервентен преглед. Во соработка со надлежните безбедносни агенции, обезбедена е целосна безбедност на сите патници и на вработените на аеродромот.

Ги молиме граѓаните за разбирање и ви благодариме за трпението. Меѓународниот аеродром во Сараево ќе продолжи да ја следи ситуацијата и навремено ќе ги пренесеме сите дополнителни информации“, соопштија од аеродромот.

Покрај аеродромот, дојава за бомба добиле и три средни училишта во Сараево, пренесува Кликс. Евакуирани се и училиштата, пишуваат локалните медиуми.

25.10.2024 - 14:35

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега