Австрија денеска ја забележа највисоката температура во историјата откако се вршат метеоролошките мерења во оваа земја.
Силен топлотен бран го зафати целиот регион, а во главниот град Виена се измерени рекордни 41 степен Целзиусов.
Како што објави австрискиот јавен сервис ORF, повикувајќи се на податоци од државната метеоролошка служба GeoSphere Austria, историскиот рекорд е регистриран во виенската населба Стамерсдорф.
Според предвидувањата на метеоролозите, врвот на овој топлотен бран се очекува денеска и утре.
Не е исклучено утрешните температури дополнително да го надминат денешниот соборен рекорд.
Поради екстремните услови, GeoSphere Austria веќе издаде црвено предупредување — највисоко ниво на опасност за Виена, северниот дел од покраината Бургенланд и североисточниот дел од Долна Австрија.
Температури кои ја надминаа границата од 40 степени Целзиусови денеска беа регистрирани и во неколку други делови ширум Австрија.