Општина Радовиш повторно е отворена - еден вработен е заразен, а 10 се во самоизолација
Од денеска вратите на општина Радовиш повторно се отворени, откако во петокот зградата беше затворена заради позитивен тест на Ковид-19 на еден вработен.
-За време на викендот е извршена дезинфекција на сите простории. И утре по завршувањето на работното време повторно ќе се дезинфекцира. Покрај едниот вработен, кој е позитивен на коронавирусот, имаме уште десет вработени во самоизолација. Општината работи нормално и се надевам дека така ќе остане, изјави градоначалникот на Радовиш, Герасим Конзулов.
Во Радовиш заклучно со вчера се регистрирани 19 активни случаи на инфицирани со коронавирусот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа