Жителите на северната хемисфера денеска го пречекуваат новото годишно време. Пролетта во нашата земја официјално ќе настапи попладнево, точно во 15 часот и 46 минути, додека во истиот момент на јужната полутопка на Земјата започнува есента.
Ова е 79-от ден во годината, а карактеристично за пролетната рамноденица е изедначувањето на денот и ноќта. Денешниот прв пролетен ден ќе трае 12 часа и 08 минути; сонцето изгреа во 5 часот и 37 минути, а ќе зајде во 17 часот и 46 минути. Пролетта ќе ни биде гостин точно 92 дена, сè до 21 јуни во 10 часот и 24 минути, кога календарски ќе ѝ отстапи место на летото.
Што се однесува до временските прилики за првиот ден од пролетта, синоптичарите најавуваат променливо облачно време со сончеви периоди. Ќе дува умерен, а на одредени места и повремено засилен ветер од северен правец. Минималните температури во државата се движат во интервалот од -2 до 3 степени, додека максималните дневни ќе достигнат од 8 до 16 степени.
Слично време се очекува и во главниот град. Во Скопје ќе преовладува претежно облачно време со повремени сончеви периоди и умерен до засилен северен ветер. Утринската температура се спушти до 2 степена, а максималната дневна ќе се искачи до 15 степени.