По повод почетокот на новата учебна година, Институтот за јавно здравје (ИЈЗ) објави сет препораки за учениците и наставниот кадар, насочени кон намалување на ризикот од ширење заразни заболувања во училиштата.
Под мотото „Здрави ученици – здрава иднина!“, ИЈЗ, а препораките ги сподели и Министерството за образование и наука, потсетува на значењето на основните хигиенски и превентивни мерки.
Меѓу препорачаните навики се редовното и темелно миење на рацете, почесто проветрување на училишните простории, внимателно однесување при појава на симптоми на настинка, како и редовна вакцинација согласно националниот календар за имунизација.
Од ИЈЗ посочуваат дека токму секојдневните навики можат значително да придонесат за зачувување на здравјето на учениците и вработените во училиштата.
Целта е преку лична хигиена, свеж воздух и одговорно однесување да се создаде поздрава и побезбедна средина за сите во училиштата.