Пушачите во Германија би можеле да се соочат со значително зголемување на цената на цигарите и цигарилосите од јануари, доколку владејачката коалиција во Бундестагот го спроведе најавеното зголемување на даноците што може да ги поскапи овие производи меѓу 50 и 60 проценти.
Бодо Мерлајн, директор на Федералното здружение на индустријата за пури, во изјава за германската новинска агенција dpa предупреди дека кутија која моментално чини околу 10 евра, по зголемувањето би можела да достигне цена и до 16 евра. Тој ги опиша предложените измени како „експлозија на даноци“, предупредувајќи дека индустријата веќе се соочува со опаѓање на продажбата и намален промет од шест до седум проценти поради зголемениот притисок врз буџетите на домаќинствата.
На германскиот пазар работат седум производствени и 15 увозни компании кои вработуваат околу 1.640 луѓе, а годишно се продаваат приближно две милијарди пури и цигарилоси. Мерлајн предупреди и на можни последици врз околу 500 специјализирани продавници низ земјата.
„Губењето на работните места веројатно би било неизбежно“, рече тој, доколку власта не го олесни планираниот даночен товар.