Кон крајот на месец август Град Скопје и повеќе големи општини низ државата ќе добијат нови комунални камиони, цистерни и метларки за подобрување на јавната хигиена, соопшти премиерот Христијан Мицкоски. Според неговите зборови, соодветната тендерска постапка за забавување на комуналната опрема е веќе финализирана, а промоцијата ќе се изврши во соработка со Министерството за транспорт. Од Владата дополнуваат дека паралелно се одвиваат и завршните правни процедури и жалбени постапки за набавка на нови електрични автобуси со кои значително ќе се модернизира градскиот превоз.
Како што истакна Мицкоски, централната власт ќе ги стави сите ресурси во поддршка на локалните самоуправи кои покажале посветеност во реализацијата на проектите.
Премиерот ги објасни деталите околу обновата на комуналниот возен парк и јавниот превоз:
„Град Скопје до Нова година ќе добие и нови камиони, цистерни и метларки за подобра хигиена. Тендерот тука е завршен и некаде кон крајот на август со министерот за транспорт ќе направиме промоција на таа опрема, која ќе ја добијат и други поголеми општини низ државата. Исто така, во тек е процесот на жалби за новите електрични автобуси. Очекувам и тој процес да заврши, по што Град Скопје и други општини ќе ги добијат новите автобуси. Ние како Влада ќе продолжиме да ги поддржуваме општините и градоначалниците, а убеден сум дека градоначалникот максимално посветено ќе продолжи да ги реализира проектите кои се приоритет за Скопје.“