Кандидатите за претседател и денеска ќе се растрчаат низ Македонија

Кандидатите за претседател на Република Македонија и партиите што ги поддржуваат денеска ќе ја продолжат предизборната кампања  со митинзи и средби со граѓани.

Претседателскиот кандидат на коалицијата „За подобра Македонија“, Ѓорге Иванов ќе одржи митинзи во Велес, Неготино и Кавадарци, како и помали митинзи во Градско и во Росоман.  

Кандидатот на СДСМ, Стево Пендаровски ќе оствари средби со граѓани во Шуто Оризари, Чучер Сандево, Чаир и во Бутел.

Коалицијата ГРОМ, со својот кандидат Зоран Поповски, ќе одржи митинзи во Злетово, Кратово и Пробиштип

ДУИ ќе одржи средби со граѓани во Тетово и во пет општини во Тетовско, додека ДПА со кандидатот Иљајас Халими ќе се претстави на митинг во Дебар.