Градоначалникот на Пехчево го вклучи алармот: Никој самоиницијативно да не оди да го гасне пожарот
Како што објавивме и предмалку, активиран е нов пожар на територијата на Пехчево. По најавите дека се мобилизира населението, градоначалникот го вклучи алармот и ги повика никој самоиницијативно да не оди да го гасне пожарот, туку сите доброволци сосебе да понесат лопати и да се сретнат на плоштадот во градот.
„Почитувани граѓани пожарите во Пехчево се сеуште активни!
Сите доброволци за гасење на пожарот во Пехчево да бидат на зборно место плоштад свети Петар и Павле со сеебе да понесат лопати!
НАЈСТРОГО СЕ ЗАБРАНУВА САМОИНИЦИЈАТИВНО ОДЕЊЕ ДА СЕ ГАСИ ПОЖАРОТ
КРИЗЕН ШТАБ ОПШТИНА ПЕХЧЕВО“, напиша градоначалникот на ФБ.
Согласно информациите на Прес24, овој пожар е драстично поопасен од претходниот, кој се приближи до првите куќи на градот.
11.08.2024 - 17:15
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
