Не ја фрлајте пепелта од шпоретот - не сте ни свесни колкава корист ќе имате од неа

Ако е веќе ви е при рака, искористете ја наместо да ја фрлате в ѓубре. Пепелта можете да ја користите на различни начини.

Направете домашен сапун

Додадете 400 грама пепел во памучна крпа, врзете, ставете во 10 литри ладна дестилирана вода и оставете 15 минути. Потоа извадете ја крпата, ставете нов пепел и повторете ја постапката (во заситена вода). Варете ја течноста додека не испари еден дел, за да добие на густина, а тоа ќе го проверите ако ставите јајце кое, ако е се во ред, не треба да потоне.

Потоа додајте растопена свинска маст (количина од 1/10 од вкупната смеса) и варете на тивок оган со постојано мешање додека да добиете компактна маса, во која потоа ќе додадете 10% кујнска сол и неколку капки миризливо масло по желба. Од смесата истурете во калап за ладење и оставете го да отстои 24 до 48 часа, по што може да се исече на парчиња и да се остави да „зрее“ на суво и светло место најмалку една недела.

Или шампон за коса

За ова ќе ви треба пепел добиена со согорување на суви стебленца од билката коњска опашка (Equisetum arvense). Направете смеса и додајте тинктура од листови од коприва, глуварче, чичок и бреза. Измијте ја косата на вообичаен начин, а доколку е мрсна исплакнете ја со јаболков оцет. Во старите времиња, жените ги миеле косата и облеката со смесата која се добивала со ставање пепел од бука или габер во крпи кои претходно биле натопени во врела вода. После тоа, косата ја миеле со млеко или чај од коприва и на крајот ја миеле со вода.

Ги чисти мрсните дамки на бетонот

Често се случува масло или бензин да истече од автомобилот создавајќи грди дамки во гаражата или на патеката пред куќата. Без разлика дали се работи за бетон, асфалт или камен, тие се отстрануваат многу лесно - со посипување пепел. После тоа, само поминете со метла над извалканата површина.

Врвен избелувач

Просејте ја пепелта низ големо сито и додадете ја во кофа од 10 литри, да наполни околу 1/4 од садот, потоа додадете нехлорирана вода (по можност дождовница), оставете да отстои околу една недела, повремено мешајќи. Потоа исцедете ја течноста преку газа и додадете ја смесата во машина за перење алишта или во тенџере за вриење. Бидејќи е исклучително силно белило, не перете обоени алишта во оваа течност бидејќи квалитетот на бојата може да се изгуби.

Отстранува дамки од мебел

Едноставната паста добиена со мешање пепел и вода многу ефикасно ги чисти дамките на мебелот. Со оваа алатка можете да полирате сјајни метални или сребрени предмети, прибор за јадење и матирано стакло: ставете ракавици и нанесете ја смесата на предметот, оставете да отстои неколку минути, а потоа избришете ја со крпа. Премачкајте со масло за подобар сјај.