МВР: Досега 4.694 прекршоци за неносење маска, вчера регистрирани 585
Министерството за внатрешни работи информира дека во континуитет се преземаат мерки за контрола на почитување на одлуките на владата поврзани со справување со пандемијата од Ковид 19.
Од страна на полициските службеници до сега констатирани се вкупно 4694 прекршоци за неносење лична заштита на лицето од кои 585 прекршоци во изминатото деноноќие.
Во текот на изминатото деноноќие на територијата на целата држава на вкупно 186 лица им се издадени решенија на изолација, а 52 лица потпишале изјави за самоизолација. Од страна на полициските службеници извршени се контроли кај лица во изолација и самоизолација при што не се евидентирани лица кои не ги почитувале овие мерки.
Во државен карантин спроведени се 52 лица, информира МВР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
