Возел 13 мигранти, бегал од полиција, излетал од автопат, па повторно се пуштил во бегство
22 годишен жител на Богданци излетал со возилото во кое превезувал 13 мигранти од Бангладеш откако по него се пуштила полициска патрола.
-Вчера во 12.30 часот на регионалниот пат Гевгелија-Дојран, на крстосница „Ѓавато“, полициски службеници од Полициска станица за граничен премин и граничен надзор Богородица забележале патничко возило „фолксваген пасат“ со бугарски национални ознаки во кое се превезувале поголем број на лица и кое се движи од Богданци кон Гевгелија. Полициските службеници со возило се упатиле кон него, велат од полиција.
Тој се вклучил а автопатот кон Скопје, но поради пребрзото возење на крстосницата с. Миравци – с. Милетково излетал од патот.
-После тоа, возачот побегнал. Во возилото биле понајдени 13 лица мигранти од Бангладеш кои биле приведени во Полициска станица за граничен премин и граничен надзор Богородица. Набргу потоа, возачот бил пронајден и предаден во СВР Струмица. Се работи за Б.Ј.(22) од Богданци, велат од МВР.
По целосно документирање на случајот, против него ќе биде поднесена соодветна пријава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
