Вработени лажно пријавиле бомба во Сити Мол - Сакале да го зафркаваат шефот

Двајца млади, новопримени во обезбедувањето на „Сити мол“, пријавиле кај шефот дека во објектот има поставено бомба, оти сакале да се зафркаваат со него, открила полициско-обвинителската истрага за вчерашниот настан, пренесе СДК.

Истрагата веднаш го открила лажниот пријавувач, по мобилната апликација од која му пратил порака на шефот.

Инаку, вчера се крена вистинска паника по дојавата за бомба, а потоа се огласија и од Сити Мол.

- Денешната дојава за подметната експлозивна направа во просториите на трговски центар – Скопје Сити Мол е лажна, а оваа лажна дојава денес беше причина нашиот објект да биде затворен на неколку часа, додека не се применат сите светски стандарди за безбедност на трговски центри од затворен карактер. Како трговски центар им благодариме на сите кои се дел од нашите служби со чија помош успеавме безбедно да ги евакуираме сите посетители како и вработените во продажните места, велат од Тгровскиот Центар.

Додаваат дека  Сити Мол во текот на годината организира претходно најавени вежби за евакуација, независно дали станува збор за вежби од карактер на подметнати направи, пожар или укажување на прва помош, кои се покажуват како реална потреба во одредени ситуации.

- Сакаме да се заблагодариме на припадниците на МВР – Скопје, Противпожарните Служби на Град Скопје и Прва помош кои учествува во евакуацијата како и за решавње на целата ситуација. Истрагата е завршена, уште еднаш потврдуваме дека станува збор за лажна дојава и Скопје Сити Мол продолжува да работи со нормално работно време, велат од Трговскиот преку соопштение за јавноста.