Нови детали за трагедијата: Пријателот на Ксенија Пајчин откри како била малтретирана од момчето

Српската пејачка Ксенија Пајчин беше убиена на 16. март 2010 година од нејзиното тогашно момче, Филип Каписода, а осум години подоцна се појавија и нови детали од трагедијата.

Небојша Тубиќ Жабац, поранешно момче на пејачката Гоца Божиновска откри дека ноќта пред убиството ја видел пејачката Ксенија Пајчин.

Тубиќ изјавил во една српска емисија дека пејачката на 15. март 2010 година го бакнала во уста, што го изнервирало манекенот.

-Ксенија доаѓа со Каписода, ми приоѓа и ме бакнува. Љубоморна Гоца, љубоморен Каписода. Тогаш се скараа остро. Јас мислам дека нему некој му ја наполнил главата дека таа била бремена и абортирала. Веројатно бил на некои дроги и се карале, таа го нападнала дека ја изневерува, бидејќи и таа беше љубоморна. Не можам да верувам дека тука само дрога била во прашање - раскажал Тубиќ, кој тврди дека бил своевремено во врска со Пајчин.

Освен тоа открил дека Каписода во една прилика ја удрил пејачката, по што Тубиќ бурно реагирал, пренесув српски Телеграф.

-Одев во клув, влегов во лифт, кога таму Ксенија и Каписода, Ми вели таа: „Што не ми се јавуваш“? Велам јас:„ Како да ти се јавам кога имаш момче“, а таа на тоа:„ Не ми е тоа момче, тоа е моден креатор“. И тогаш тој ја удри со лакт. Тогаш јас се изнервирав и му кажав дека ако уште еднаш ја удри пред мене, ќе му ја исечам раката - раскажал Жабац и додал дека пејачката кога ќе испиела некоја чашка повеќе често му се противела на момчето.