Нема настрадани македонски туристи од невремето во Грција

Според информациите добиени од полициските органи на Грција, а во врска со невремето што ја зафати Грција, нема пријавени случаи за настрадани македонски државјани, соопштуваат од Генералниот конзулат на РМ во Солун.

И според надлежните полициски служби на „Халкидики“ не биле пријавени такви случаи. Истите информации се проверени и со некои туристички оператори присутни на подрачјето кое го покрива Генералниот Конзулат во Солун.