Се роди бебе под урнатините на зграда во Бангладеш

Околу 40 лица преживеале неколку дена под урнатините на осумкатницата во Дака, која се урна во средата, соопшти „Дејли телеграф“.

Група од 40 работници беа извлечени вчера, откако под остатоците на зградата минале повеќе од 72 часа.

Под урнатините се родило и бебе, кое заедно со мајката се во добра здравствена состојба. Мајката е на возраст од 28 години, а папочната врвца не била пресечена. Спасувачите го завиткале бебето во своја облека, додека роднините, кои биле на самото место ја пресекле врвцата.