Уште два терористички напади го стресоа светот - мртви на сите страни

Најмалку девет лица загинаа, а 30 се повредени во две експлозии во главниот град на Авганистан, Кабул.

Според локалните медиуми, бомбите биле активирани од бомбаши-самоубици во близина на зградата на Министерството за одбрана.

Се претпоставува дека цел на нападите биле вработените во авганистанското Министерство за одбрана.

Одговорноста за нападите ја презедоа талибанците.

Зградата на Министерството за одбрана се наоѓа во центарот на Кабул, веднаш до претседателската палата и во близина на Претставништвото на силите за поддршка на меѓународната безбедност и Амбасадата на САД.