Изминатата недела 1.160 граѓани побарале помош на линијата „Ало докторе“
Медицински совети за кардиоваскуларни и респираторни заболувања, главоболки, покачена телесна температура, стомачен вирус и алергиски реакции побарале граѓаните во текот на изминатата недела на телефонската линија „Ало докторе“.
Во овој период од седум дена се остварени 1.160 повици.
Линијата е достапна секој ден 24 часа со цел да се овозможи непосредна медицинска консултација во моментот на појава на какви било симптоми на нарушување на здравјето, а вкупно 25 доктори се достапни за медицински совет.
- На линијата Ало докторе! често се јавуваат граѓани за совети поврзани со терапијата која редовно ја примаат за хроничните болести и за симптоми поврзани со крвен притисок, информираат од Здравствениот дом Скопје.
Од почетокот на отворање на телефонската линија на 15 септември 2014 година досега реализирани се вкупно 111.561 повици.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа