Споменици за двајца полицајци загинати во хоророт во Дива населба
Советот на општина Гази Баба донесе Одлуки за подигање спомен обележја на Бобан Ивановиќ и Горан Стојменовиќ, загинати припадници на македонската полиција во антитерористичката акција во кумановската Дива населба на 9 и 10 мај 2015 година. Тие беа жители на општина Гази Баба.
Спомен обележјето на Бобан Ивановиќ роден 1968 година ќе биде поставено во село Стајковци на плоштадот до Месната заедница, додека спомен обележјето на Горан Стојменовиќ роден 1970 година ќе биде поставено во населба Инџиково.
Во полициската акција во Дива населба загинаа осум припадници на македонската полиција.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
